Nais kong mawala ka sa aming landas

Ikaw na nagsisilbing salot sa karimlam

Anay na nagpaparupok sa magandang pundasyon

Ahas na nagsasabog ng kamandag

Nais kong hubarin ang iyong maskara

Nais kong mabunyag ang nabubulok mong anyo

Tunay na kasing baho ng isang estero

Na hindi kayang itago ng mamahaling pabango

Nais kong itarak ang punyal ng aking bangis

Nais kong dumaloy ang maitim mong dugo

Upang maidilig sa iyong mga kampon

Nang tuluyan na rin silang maglaho

Isa kang salot, halimaw!

Nararapat lamang na ika'y matupok

Sa apoy na galing sa nilikha mong ningas

Isang patibong na kikitil sa iyong buhay